Энхтүвшингийн Оюундэлгэр, ИРИМ Судалгааны Хүрээлэнгийн Ахлах судлаач. Урд нь НҮБ-ын Хүнс, хөдөө аж ахуйн байгууллагын "Хамтын оролцооны ойн менежментийн чадавхийг бэхжүүлэх төсөл"-д нутгийн иргэдийн оролцоотой байгаль хамгааллын чиглэлээр ажиллаж байсан. Нийгэм-байгаль орчны асуудлууд, уур амьсгалын өөрчлөлт, түүний нийгэмд үзүүлэх нөлөөлөл, ногоон эдийн засаг зэрэг тогтвортой байдал болон салбар дундын судалгаа, нөлөөллийн төслүүд дээр түлхүү ажилладаг. МУИС-ийн Олон харилцааны сургуулийг бакалавр, Австралийн үндэсний их сургуулийг Байгаль орчны менежмент, хөгжлийн чиглэлээр магистрын зэрэгтэй төгссөн. АНУ-ын Төрийн департаментаас хэрэгжүүлдэг Мэргэжилтэн солилцооны хөтөлбөрөөр Корнеллийн их сургуулийн Байгалийн нөөц, хүрээлэн буй орчны тэнхимд зочин судлаачаар ажилласан туршлагатай.
П.Цэдэн-Иш нь нийгмийн ухааны багшийн бакалавр зэрэгтэй бөгөөд нийгмийн шинжлэх ухаан, төслийн менежмент, судалгаа, хяналт-шинжилгээний чиглэлээр 7 жил ажилласан. Тэрээр байгаль орчин, уур амьсгалын өөрчлөлтийн чиглэлийн үндэсний хэмжээний судалгаануудад зохицуулагчаар ажиллаж байсан туршлагатай.
Эрдэнэбаатар овогтой Мишээл нь Унгар улсын Будапешт хотын Обуда их сургуулийг Хүрээлэн буй орчны инженер мэргэжлээр бакалаврын зэрэг хамгаалсан. Мишээл нь 2023 оноос хойш IRIM судалгааны хүрээлэнд судлаач, зохицуулагчийн чиг үүргээр голчлон байгаль орчин, уур амьсгалын өөрчлөлт зэрэг төслүүдэд ажиллаж байна. Тэрээр Англи, Орос хэлтэй.
Нандинцэцэг 2020 онд IRIM-д судлаачаар ажилд орсон. МУИС-ийн социологийн бакалавр зэрэгтэй. Түүний судлаачийн үүрэг бол төслийг амжилттай эхлүүлэх, төлөвлөх, төлөвлөх, хэрэгжүүлэх, хаах зэрэг үүрэг хариуцлага багтдаг. Нандинцэцэгийн судалгааны сонирхол бол технологи, нийгмийн сүлжээ, тогтвортой хөгжил юм. Тэрээр төрөлх монгол хэлтэй, англи хэлний дунд зэргийн мэдлэгтэй.
Батдоржийн Халиунбат нь 2013 оноос IRIM-д судлаачаар ажиллаж байгаа бөгөөд МУИС-ийг Социологич мэргэжлээр бакалаврын зэрэгтэй төгссөн. Тэрээр сүүлийн жилүүдэд хяналт-шинжилгээ, үнэлгээний төслийн чиглэлээр мэргэшиж байна. Халиунбат нь уул уурхай, олон нийтийн оролцооны төслүүд дээр Ганцаарчилсан ярилцлага (ГЯ), Фокус бүлгийн ярилцлага (ФБЯ) зэрэг чанарын судалгааны аргуудыг ашиглан мэдээлэл цуглуулж байсан арвин туршлагатай.
Түмэнжаргал овогтой Элбэрэл нь судалгаа, бодлого, хөтөлбөрийн үнэлгээний төслүүд дээр сүүлийн 12 гаруй жил ажилласан туршлагатай судлаач, үнэлгээч юм. Ажиллах хугацаандаа төр, төрийн бус байгууллага, олон улсын байгууллага болон донор байгууллагуудаас хэрэгжүүлсэн үндэсний болон орон нутгийн түвшний хөгжлийн бодлого, хөтөлбөрийн судалгаа болон хяналт шинжилгээ, үнэлгээний төслүүд дээр судлаач, зөвлөхөөр ажиллаж байсан.
2012 онд МУИС-ийн Нийгмийн Шинжлэх Ухааны Сургуулийг ‘Нийгмийн ажил’-н мэргэжлээр бакалавр зэрэгтэй төгссөн. Түүний дараагийн 6 жилд IRIM судалгааны хүрээлэнд ажиллан, 50 гаруй төслүүдийг зохицуулж, удирдаж байсан. Ялангуяа, боловсрол, эрүүл мэнд, уул уурхай, орон нутгийн хөгжил, засаглалтай холбоотой асуудлын хүрээнд судалгаа, үнэлгээний төслүүдийг хариуцан гүйцэтгэж байсан.
Мөн 2018 онд АНУ-ын Засгийн газрын санхүүжилттэй Фулбрайтын Оюутны хөтөлбөрөөр АНУ-н Georgia State University-д “Төрийн бодлого”-ын чиглэлээр магистрын зэрэгтэй төгссөн. Суралцах хугацаанд бодлогын шинжилгээ, бодлогын судалгаа, үнэлгээ чиглэлээр гүнзгийрэн сурсан.
Цаашид, бодлогын судалгаа, үнэлгээ, нотолгоонд суурилсан бодлого болон үр дүнд суурилсан соёлыг хөгжүүлэх санаачилгуудад хувь нэмрээ оруулан ажиллах эрмэлзэлтэй судлаач юм.